قصیدة يافجر للشاعر الشاب الاديب محمد الجاسم الهليچی

لو وصل یومی او وکت تدفینی حان
علصدر خلوهن اچفوفی الثنین
حتی الله ایگول هاذه اشگد حزین
ابگبره نایم او بعده یلطم عل حسین

یافجر من جیت شیعت النجوم او شیعت کوکب الامع یا فیر
عجب هان اعلیک یم نهر الفرات ابلا چفوف اشلون وایهته البدر
انته عفرین اعله صبرک یلعلیل صبر صبرک صبر الما یصطبر
او ولله لو دفانه غیرک بطفوف چان للیوم الگمر فوگ الغبر
جبل واگف چان بوجوه الریاح انته وسدت الجبل وسط الگبر
الگمر صارت غیرته الزینب خیال یاهو گلک عافهه ابدرب الیسر
الیل کاشف چان وامعذبه الغروب او ینتظر لحظات وایودعه العمر
ابهمه لاچن راح یطلب حداد من اخت عباس وابذاک العصر
الیل حلف بت علی ابراس الحسین وگلهه سترینی یمن کلچ ستر
راح یستعطی ونطته اهیه السواد او هل ظلام العنده من ام الخدر
او علتل امنطینت تدری اشصار اطینت شمس السمه ابوکت الظهر
او یوم عصابتهه مالت للحسین مالت الدنیه ابکبرهه اعله القدر
بیت ابوهه اتگول مو عصابه های او لون تمشی اویاهه یتمشه ابگدر
او گد بلال ابیوم ینتظر الأذان للخطاب الحره چانت تنتظر
او حین خطبت زینب ابدیرة الشام من حچیهه اهتزت ارکانه القصر
اهناك صارت حيدره او نفس الحسين او مثلت عباس الیذل الکفر
ابکثر ما للمای ضل ضامی الرضیع الزینب الحورا ضل ضامی الشعر
او کثر ما شاطت عله التل للحسین شاطت ارواح القصیده ابهل شطر
واحچی عن السان کل مسلم غیور ابحبه لهل البیت عل ذل منتصر
لو نطق حمزه الزغیر یاحسین اگطع الچف لومه یلطم عل صدر

محمد الجاسم الهلیچی

شعرالشعبی