تبادل
لینک هوشمند
 |
| صبح صوتك من تنفس زهّر الرمان نور | فجّر إحساس المسافة و إنبلج منّه نهار |
| شرّع أشواق الأماكن للتلاقي و العبور | من ضفايف ليل خايف ينكشف عنْه الستار |
| كل نهارٍ مو نهارك يحتدم غيض و سرور | كل نهارٍ غار منّك لنّ نبضاتك .. مدار |
| في مدارك من نهارك ( نور) يعبر لي جسور | يغري وجنات الفراش اللي تعنّا له و طار |
| في البشر ناسٍ غريبه تسكنك ومضة حضور | كنّ في إيديها ملامح للسعاده .. باختصار |
| هاك صدري فلّ ضلوعه ِصيغها بيديك سور | يحبسك فيني أماني .. قاربت للإنتصار |
| و هذا قلبي روض ورّق لإجلك إحساس وشعور | ما يضيره إنتظارك .. طالما الناتج ِثمار |
| لا أمحلت بِيد السوالف .. ماطر أشعارك يزور | كلّ شبرٍ مات فيها .. ينفث ابروحه عمار |
| وش تبي ؟ قل لي أمانه .. لا تلّف ولا تدور | بين وقتي و بين صمتي و بين رجفات الحوار |
| و في إحتوائك لي ترفّق .. لنّي ما اتحمّل كسور | لا تحدّ الودّ خطوه في طريق الإحتضار |
| بعض منّي طالب إنّي أستخير و لا أجور | و بعضي الآخر خذلني مثقلٍ مًتْني بقرار |
| و بين أجيك و ما أجيلك و المسافه اللي تثور | تختزلني في عبورٍ يجعل الآتي مسار |
| فدوة أعيانك ( حياتي) يا غناتي يا غيور | و فيك تعلن للعواذل خيبتك يا الإنكسار |
نظرات شما عزیزان:
كل شبرا مات فبها ينفث ابروحه عمار /// جميل جدا يا هنادي تمنياتي لك بالموفقيه و المزيد من الازدهار و الرقي .. مع فائق التحيه لك و لمدير المدونه المحترم .....
:: موضوعات مرتبط: دیوان النبط، ،
:: برچسب‌ها: شعرالشعبی,
نویسنده : الشاعرصدام جنامی معاوی.الشاعرایوب کربلایی زرگانی
تاریخ : یک شنبه 22 مرداد 1398
زمان : 16:49
