شعرالشعبی

عشرتك روحــي صَـــــــــدگ .. ماتملها
وگلبي ايــــــــــام سعـــــــدك .. ماتملها
اريد انصــــب لروحــــــــــي .. مأتم الها
واشوفك هم تجي وتبچي عليه ؟

لو مرة تمــــــــــر مثـــــــل .. الشماتــه
وأنا لنحرك يالاسمــــر وك .. شماتــــه
ولك مغـــرور گالولــــــــــي .. بشماتـه
صحيح ابشامتك تنغر عليه ؟

لو تذكـــر رباي ويــــــــــاك .. والعـــن
ولاتنغر علــى اللي بيــــــك .. والعـــن
فرضنا لو اسبـــــــــك حيل .. والعــــن
هم ابغيض وك تزعل عليه ؟

لو تعرفني احبــــــــــــــــك .. واشتمنك
ولأن منطـــي للواشــــــــي .. وشتمنك
اريد اليـــوم احضنـــــــــك .. واشتمنك
واشوفك هم تذب روحك عليه ؟

لو رأساً تگلـــــــي ارجـوك .. هدنـــه
وتعاركنـــي وتريــد انــوب .. هدنـــه
ولك والله العشــــگ وياك .. هدنــــه
مريض آنه تعال اسأل عليه ؟

وشوف اشلون حالـــــي .. منتسلنـي
ولكن سيف صًّــــــــــدگ .. منتسلني
الدمع يغلب جوابـــــــــي .. منتسلني
اضحك بالچذب غصبن عليه ؟

لأن ماريــد اشوفك يـــوم .. حزنــــي
وتدري ابسيف هجرك ولك .. حزني
گلبك انت وحدك الـــــــــــي .. حزني
و ( حيازة وحمل ) سلمتك بديه

الک حتی ابوغی  الدمّر غزروح

لأن غالي ووفي وحبّک غزروح

الملح لو بلیطب بیتک   غزروح

((رقدنام وبعد متشوف اذیّه))

لحگ گلبی ابودادک یوم طبّا

مرض حیّرطبیبی وعجزطبّا

هلک صاحواعلیّه طحت طبّا

(تفشکل سبّگی وماطار بیّه)

مرض  دنیای      صبّح منهبیه

وگمت حلو      الاشربه منهبیه

المصایب ریح صرصر منهبیه

(ابهبیه ارکس امن اطلع منهبیه)

طرف والهه   طرف یکتل  ویهله

ایتبختر بس   طرف شفته   ویهله

ابجهل زرلی ابطرف طرفه ویهله

(((کتلنی ولن جهنم سرت بیه)))

الشهم   بلعسر    مایحنی بجدّه

ابعناده   ویبنی اسم لسمه بجدّه

الفخر  موللّی بس یفخر  بجدّه

الفخر لل علّه اسم جدّه ابحمیّه

الخله   الخل ابخله خله خله

الجهل   و  الجهل خله خله

ابضیج  الخلّه خله خله خله

الیخل بلخل ابد مابی حمیّه

منگال      ابأسم  حيدر منعله

واسمه اشتق من الباري منعله

منگال الیسب حیدر     منعله

العنه ابکل وجودی ابلاخطیه

یعمری اشبع اسه ومحنه وذل بیک

وغمّک لویرک عزمی و ذل بیک

اریدالبیک یسعدنی و ذل     بیک

((مهانه وذل مریداتطول بیه))

صادق من تصادق لاتصادق

صادق من تصادق لاتصادق

الماصادق یصادق لا تصادق

(یصادق هلصداقه ابلاهویه)

الصادق لایصادق ما تصادق

یصادق لاتصادق ما تصادق

الماصادق یصادق ماتصادق

(صداقه الما صداقه ابلاهویه)

الماصادق یصادق لومصادق

صادق لان صادق لومصادق

الصداقه الماصداقه لومصادق

(هاموهلصداقه ابلاهویه)

الصداقه الما صداقه ماصداقه

الصداقه اللی صداقه ماصداقه

الصداقه البلصداقه ما صداقه

(الصدق سیسانهه البیهه الهویه)

تحیاتی الی کل شباب المحمره الادباء

تحيــة حب واحتـرام
ملؤهـا الشـوق والحنين الى أهـل هذا البيت الجميل

......

لـون جديـد من الـوان الشعـر العشبـي

يستخدمـه الكثيـر من الشعـراء والهـواة

صـورة مكـونـة من سطـرين فقط
تختصـر قصيـدة كـاملــة


كتبتلك ذكـرى أحبـك شككتهــة شلون .!
وآنـة حتـى الأكـرهك محتفـظ بيهـة

************************************

صحتـ على الجرح ها ياجرح خانوك
دنك راسـه جرحي وكال ميخالف

***********************************

كلتـ وجهي الشمس ما دوريت فيـاي
عزة نفسـي ترفض منـة الشجــرة

الشعربی بخت وایعابی گبته القافیه والوزن حیطانه بیبانه ذهب ومعیرات اعیار

الصدگ نور الوجه ساسه صلب ماهزّته    الدانه والچذب مادام لن ساسه

انبنه بحیار

اخیّک لو تصیح الغوث مالبّه وطره حیاک بلسانه وعلیک ایدوّر الزلات سابع

یار

(((والبابه اببابک سدبابه)))

*********************************************************

نسلک   کل گلب ونته ونسله

نسلک یاعلی ابذچرک ونسله

نسلک من نسل طه   ونسله

((شریف وشرّفه رب البریه))

یدهری    چمّل ابضیمک ویازید

عسرمامدعله    الخاوه  ویازید

یاعمرالیحل    مشکل   ویازید

اهلهه اتحل مشاکلهه القضیه

***************************

من ضیم الوکت گلبی ویعلام

ابوزن وازن المایعلم    ویعلام

علّم ملفوف ماینعد    ویعلام

الترف ترهب خصم بلموزمیه

***************************

_{صور قديمة من مدينة المحمرة}

صوره لجسرالمحمره قبل اجتیاح الجیش البعثی الکافر علی الوطن الاسلامی

خویی    الچنت اظن یوگف بهامای

شهر    سیفه وبگه یطبر   بهامای

یگلولی   اشبگه ابعینک    بهامای

(وانا اصبی عینی طاح اببین ایدیه)

******************************

الف وسفه الدهر طگنی بهامای

وخذه منّی الذی یوگف   بهامای

النواظرجفّت      وما ظل بهامای

((انحلت لفراگ خلّی الگطع بیه))

تعبانه          النواظر       تربی    الایام

اوظلّت     علطریج     الجای    مشتاگه

یمته      اتحن   یایوسف موگلب یعگوب

ماظل       صبر عنده    وشگگ   ازیاگه

مرتنه       اللیالی     ضیم  یطحن ضیم

اوظل      بینه     العمر  متمرمره اریاگه

انسم      نص   الضمیر اوودّع الحسبات

لا فاده      دوه     اولا     فاد     تریاگه

جرّته      النوایب     فوگ    شوک العار

وهل دمّت     ضمیره    وزلقت  اشواگه

چیزان     الظلم   سحگت علی الوجدان

اودم    المبترا    چولچ    علی   اسیاگه

صحنه     امن  الزمان ادخیل والله ادخیل

اوظل     لازم     علینه   امنیشن اتفاگه

دامس     لیلنه    وهذه   النهار  اکسوف

لا نجمه    التهل    لا  شمس      برّاگه

شلنالک    یمهدی    اچفوف  نخوه وعوز

موش    اعله   الهضم   لتظن بگت طاگه

عشگنه اسمک عشگ بیه العشگ یحتار

گلّی     ابوعدک      چا     یمته   نتلاگه

یا کعبة       املنه      الدوم  بيك انطوف

صرنالك          يبدر       الفرج   عشّاگه

اظهر           یلحبیب     و عانق الحبّوک

مو تدری        الیغیب       ایعذّب افراگه

او نتنطّر     مجيئك        يا صبر     ايّوب

دفتر غیبتک        ما     خلصت    اوراگه

دنیه ابلا       عدل والحکم    بیهه الجور

او دجّال       اللعین       امفتّح  اسواگه

موعشنه        ابمذلّه او مهضمه وآهات

اوواحدنه    ابفلس     يا  سيّدی اطراگه

الزین     ابدمّی امزجنّه وعینه

الغبر یاریت     اثر ماله  وعینه

الرجل اخلاقه شخصیته وعینه

(((نظیفه وکون مایدنه الردیه)))

اجمل التبریکات واحر التهانی اقدمها الی کل شباب مدینة الفلاحية الفيحاء وتحيه خاصّه الی شباب معاویه بیت حنتوش کافّه

خادمکم صدام ابوسجاد معاوی

انته یا     من بین شعرک والورید

انجمعن     الشلّال والدر  والورید

انه ضد    کلمن یضدّک    والورید

(چف حسود العاندک ماعنده ذات)

یدهری الما شفت منّک وکت راح

او دمع العین هلوشّل    وکت راح

وکت ظلّیت اوّن ونحب   وکت راح

(((اصک علراح علراح امن ایدیه)))

اصعدت من چان بلشّده سلم لای

طحت لاچن عضوماظن  سلم لای

یاطارش لوشفت خلّی  سلم لای

(((اوگبل لا موت گلّه ایمر علیّه)))

*************************

بیه حوبـه و امّن ابطبعی الصدیق

و تکتل امن ابعید صدّگ شارتی

امِّی جابتنی فـــرد لا مـانی توم

بس اشکن تـوم آنه او جارتی

کلمات حبیب ابوعدنان مزرعه

الیوم شلت اچفوفی من بعد الصلاة

اوگمت انادی الباری بل امَن یجیب

یا الاه الـــــکون یاحـــــی یاکریم

سالم الخلف المنصه اترد حبیب

کلمات سلمان ابومیثاق الحمیداوی

یل دوا اسمک و ذکرک بی شفاء

ویل گلت ادعونی و الکم استجیب

قدرفعنا الایدی الک بعد الصلاة

من علینا وبلعجل شافی حبیب

کلمات الشاعر عادل خالدی مدینه توستر

قهر نص گلبی احـسن والمنصه

واعلی ابـصوت حزنی والمنصه

علل حــــــله القواقی و المنصه

معاهه الحب حبیب انحن سویه

الشاعرناصرابوماجدالفرطوسی

یا         علی ننخاک مترد النخاک

گبل   لاینخاک       تگضیله غرض

عدنه طلبه     انریدمنعندک حبیب

للمنصه ایعود صاحی امن المرض

نرفع سویا ایدی الدعاء ونتمني من المولا ان يرجّع استاذ حبیب ابوعدنان الی خلف المنصّه سالما غانما امین

ذخرحیدر     شهر  سیفه وعلما

وختم درسه امن ابوالیمّه وعلما

نزل     چن طیرعلشاطی وعلما

((((او ثبّت رایته فوگ الثنیّه))))

*************************

یخل تعرف محبتی انته وکتما

یظل دم   الجفن یهمل وکتما

سری   وانتخی عدمن وکتما

((اذا خلّی طلع یشتمت بیّه))

تحیاتی الکل شباب المحمره الادباء

العنوان : اللَّیثُ الهَمُوسُ

صحیح الیل مظلم ثــــــــوبه اســــــود لون

لاچـــــن لو یـــــــــطّل الـــــگمر بی یضوه

الاسلام بسم الهادی صــــــــــــــــح انهاب

لاکــــــن لـــــوله حیــــــــدر مامشت فتوه

سیــــــــف الذولفقار ابچـــف ابوالحسنین

عزرائیــــــــــــل بی متـــــــــــوسد البلوه

ابتــــــــــاریخ الاسلام اشگد لگینه ابطال

ماظن مثــــــل حیــــــــــــدر ینوجد قدوه

حیــــــــــدر من یصیح ابساحت المیدان

قائد جــــــیش الاخـــــــر یـطلب العطوه

ابـــــــن العامری اشــگد تانه یجدم حید

و جـــــــدّام الرسول اشــعمل و اشسوه

صاح ابعالی صوته الهادی یاهو ایگوم

های الــــــــــــــگاع یاهو ایلبّی الدعوه

بس صوت الگلوب اتدگ عذاب وخوف

وعله ارگاب السبـــــــــاع الموت یتلوه

حیــــدر گام مغضب شهرسیفه وصاح

چـــــــــــــایاهو بن وُدّ العامری العلوه

*****

سَتَشهَدُ لی بِالــــکَرِّ و الطَّعنِ رایةٌ

حَـبَانیِ بِـــــهَا الطُّهرُ النَّبیُّ المُهَذَّبُ

وَتَعلَمُ انِّی فـــی الحُرُوبِ اذا التَظی

بِنیرانِها اللَّیثُ الـــهَمُوسُ المُرَجَّبُ

ومثلیَ لاقَی الــــــهولَ فی مُفظَعاتِهِ

وفُلَّ لَهُ الجَیشُ الخَـــمیسُ الَطَبطَبُ

وَقَــــــــد عَلِمَ الاحیاءُ انی زَعیمُها

وانِّی لَدَی الحَربِ العُذیقُ المُرَجَّبُ

*****

زامط یبن عمی و انه عـــــــــــــد عیناک

آنه الموت خویه و آنه ابــــــــــو النخوه

لون ابطرج روحی افدیهه الــــک مولای

آنه وهلی و خــــوتی انروحلـــــک فدوه

تبسمـــــــله النبی و بان الــــــدمع بلعین

موخـــــــوفاً یموت وگفاتــــــه لن تسوه

ابن وُدّ انجــــــسم و الهادی وی جبرئیل

صاحـــــــو هله ابحیــــــدر و النعم اگوه

گالــــــو بـــــــــاب خیبر صعب ما ینزاح

وشما زاورو هلبـــــــــاب مــــــــا یهوه

ضل حایــــــر الجیش ابامر کسر الباب

واستخـــــــدموا قــــــوه وفشلت القوه

المعسکر یدری حیــــــدر ارمد العینین

ومقتنعین بی یفــــــــرجــهه بس اهوه

علی چنف وگامـــــــوا حیـــــــدر وکرار

جابــــــــــو بـــــــاب خــــیبر علزلم گوه

قنبر چان خـــــادم عنــــــــد ابوالحسنین

بس سلطان عـــــــاش و مالگه القسوه

علی کلما گصد یچسی الحسن واحسین

اول ما یفـــــــــــــرِّح قــــــنبر ابچسوه

علی الخــــایف امین ابسده چان ایبات

علی شیــــخ العشیره و صـاحب امروه

علی دمـــــعت یتیمه الحـــفرت الخدین

طاحـــــت بـارض عزه و خضرت خوه

علی ابصفنت صلاته الکون ضل محتار

وسهــــرانه اللیــــــالی ابنغمت النجوه

علی المحــــــراب بیته ونص کلام الله

علی حب الیتـــــامه و موعشگ توه

خلّی عینک      تکشف    اسرار الدموع

یاسبب        تجری  المدامع من سنین

والرموش          اسیوف   تذبح بلجفون

سیل سیلن         یادموع    العاشقین

سیل یا      دمع        الوفه لازم تسیل

او ونّی         یاروحی    ابحزن لتبطلین

والجفن            حگّه  یهل منّه الدموم

للنصر      میثاق             رب العالمین

خلّی        آهات الزمن        تكثر تزود

خلّی منشار             الصبر یعجز یلین

خلّی دوم            انّوح واندگ علصدور

وخلّی          العذّال       دوم امحیرین

ابروضة     العذّال     ذبلان      الضمیر

عدهم      السقّای    مایسقی ولعین

احنه ماشین    اعله منهج حق واصیل

احنه رویّنه     الضمیر      ابحب عجین

احنه حبّینه      ونوینه     اعله الصراط

هذه     مو وهم        وتخیّل بل یقین

اویبقی   حبنه ایدوم وایدوم اعله طول

نبقی    دوم       ابهذه حبنه امولعین

هذه     ابن خیر العمل بارض الطفوف

حیدرالکرار       فی    بدر      وحنین

زرع     بارض   الغاضریّه اچفوف اخوه

حصل       ایثار    وشجاعه ونصردین

جامعه          ومبنیه     بلحق کربلا

نهضت    ابطلاب        ثورة مبصرين

ويبقه   دگنه اعله الصدر طول الزمان

اگلوبنه تصرخ         تنادی یا حسین

شجانی اعله الگصوابیّه بس اتهل

اوعینی امن النظرکفّت  بس اتهل

یعید ابطلّت افراحک      بس اتهل

((ابحجتک راح ازور العن علیّه))

چتفت      القلم        عن    چلمة      العباس

وظل        بیدی       یوّن     لکتابة      احروفه

شتون            ياقلم     واهواي       اليكتبون

اوما     ادّوا       وصف        عبّاس      معروفه

وانه       اهنا      اطبطب     بلشوطی اگواش

وبلّام          الشعر       غایر         ابمشحوفه

عمّی      لوردت     تنشد    وصف       عبّاس

لأن      الهلوكت     من    علگمی    الصولات

الحد    نفس    البلد    ترتجف    من    خوفه

ورفع      رایة ا    لخوّه    اهناک   یم احسین

ورف     شارب     حمیته     اوزینب   اتشوفه

اوجرّد    صارمه      وهلهلت      عد      عیناه

اوگلهه         الخاطرچ     لفنیلچ       اصفوفه

وهیه     اتعرفه     زین   ومو   چذب     لوگال

رابی      ابحضن      ابوهه   وتعرف    اظروفه

طلعت       من     وطنهه    ابشارب  العبّاس

اوتدری      بی     کفو     وحملاته    موصوفه

مثل     حیدر      ینکّس     رایت     الجیمات

اوکل     سیل     الیجی   ابحدصارمه ایروفه

عنوانه        العلم     والشهدبسمه السیف

اوخلّه      الغاضریه         ابخوف     مرهوفه

ماچلّت        یمینه     ولا   تمل       یسراه

اوشرّب     جیش    خصمه  کاس   محتوفه

کوّر     مشرعتهه     وگلبه     ناوی  المای

اونفسه      اعله    الحرم واحسین ملهوفه

عجیبه     خوّة      العبّاس     وی احسین

اوروحه      حیل     وی    احسین  مألوفه

ماهاب      الرماح       اوكثرة       النشّاب

ولا هاب      المعسکر    خیله    واسیوفه

جندل        چم   بطل چم  حید چم مغوار

او      منعنده     التفر     الاف     مردوفه

بس     علمه الیرف    بین السمه والگاع

او   رایات      الکفر     صبحّت     ملفوفه

ماعاف       ورجع    لوواجهته      اسباع

بس   اهیه التفر     من حربه     واتعوفه

درکلهه      ابعناده   وخیل تسحگ خیل

ظلّت       علثره      للطایر        اعلوفه

اویوم انگطعت اچفوفه وهوّه  اعله الگاع

السمه وسکانهه  سجدت  عله اچفوفه

القلم      ماله عگل    چامثلی هام اعلیک

ولو هو      ابلاعگل       وابشوگ    هاویلک

یقین         انته      الممیّزبین     خلق الله

لجل      های الاله         اختار    ترسیلک

طینک     نفس     طین  الصنع بیه الناس

بس       المستحیل    ان نصف   تحلیلک

مزج     فی طینک    الایمان     رب الکون

اومن      خلقه   العظیم   اختار   تعدیلک

المثل   شخصیتک انته   ومثله انته اتصیر

والمثلک      بس  انته   اوانته     تمثیلک

حراء    چان    الخشوعک  معبد اومحراب

صدگ     جسمه  صخربس اذنه تصغیلک

لهذا     صوت     اقرءالهسه    بیه   ایدور

بس    اتگلّه     اقرء    ایگوم     یحچیلک

گبلک      سیّدی    وبعدک  چثیره اجیال

بس       تختلف    انته  اویختلف  جیلک

جیلک    یعنی      حیدر    یعنی  التّمّار

سلمان      واسامه     اطیور     ابابیلک

اومن    نورک    سطع نوّر    ظلام الکون

اولسّه     الکون    یزهی   ابنور قندیلک

المثل شخصک یهون ایبات ابوالحسنین

بفراش     المنایا       او   روح   یفدیلک

اشگد احبّک صف الاوّل

او اوّل احچایات استادی المعلّم

والحروف الابجدیّه وریحة الطبشوروالصبّوره وکتابی الملوّن

صف الاوّل احله من کل ذکریاتی

واحله رحله ابکل حیاتی

لسّه مشتاگ ان اشوفک یامعلّم صف الاوّل

علمتنی ان اکون انسان یا انسان

وعلمتنی چلمة البابا الحبيبه

وچنت تاخذنیابخیالک للخیال

العالم المبنی ابعلامات السوال

وصوّغتنی ابآیدک الفنّانه شاعر

واکتبت اسمک قصیده اعله الدفاتر*********

الکرامت بنت اسد ربک  بطلهه

الکعبه وجابت الحرّه      بطلهه

جاب الحگ علی وازهق بطلهه

ابعلم واخلاق من    سیدالبریه

من کثرماحن الک گلبی اجیت

وجبت ویای القوافی والشعر

اومن حبر دمع الفرح هل وبچیت

ابدفتر الوجنه کتب ومضه الحبر

دفترعمری اثلث ورگات

ورگه الاولی اصبای الفات

والورگه الاخره الصفات

اوثالث ورگه علورگه الاولی والاخره مملیه حسره واهات

اولوگالولک شاعرمات

مادبّرشی من عمره

بس الحسره والاهات...بس الحسره والاهات...

یاحلات اشفافک اتضاهی الورود

والشمس من نوروجهک ضاویه

والعقیق البردبسنونک جمیل

البلحشا نیران عدهن داویه

ومن عجن طینک الله العالمین

خلّه ذراتک اگرنفل حاویه

وبلزلوف احتارت احروف المدیح

المثل نبعات العنبت متلاویه

والحواجب یاخناجریااسیوف

مثل قیسان المماتی ناویه

والعیون اقیاسهن شی مستحیل

امن المساحه البلوجه نص طاویه

والاخدود اتذوب بلحرکلجلید

المن جمال الحور ظنتی راویه

وعندک امن الحسن منکلشی بدیع

والترافه اتلوح فی کل زاویه

الخصرجاسم طولک الرایع اثنین

یعنی طولین ابحسن متساویه

وطلّت اجفونک جمال ابلاحدود

الروحی دوم الهن یلدعج هاویه

ابحگک امن اوصف حسن یوسف قلیل

والک کلهه اتروح فدوه امعاویه